အခန်းထဲတွင်ပင် ရှာတွေ့နိုင်သော အောင်မြင်ရေး သော့ချက် ၇ ခု

၁။ အိမ်ခေါင်မိုး  -- ရည်မှန်းချက်ကြီးကြီးထားပါ။
၂။ ပန်ကာ        -- တည်တည်ငြိမ်ငြိမ်အေးအေးချမ်းချမ်း ရှိပါ။

၃။ နာရီ            -- မိနစ်တိုင်း စက္ကန့်တိုင်းရဲ့  တန်ဖိုးကို သိပါ။

၎။ မှန်              -- ဘာလုပ်လုပ် အရင်ဆုံး ကိုယ့်ကိုယ့်ကို ပြန်သုံးသပ်ပါ။

၅။ ပြတင်းပေါက်  -- ပတ်ဝန်းကျင်ကို လေ့လာပါ။

၆။ ပြက္ခဒိန်        -- အချိန်နဲ့ အမှီလိုက်ပါ။

၇။ တံခါးပေါက်    -- အခွင့်အရေးကို လက်မလွတ်ပါနှင့်။

ဆယ်လ်မွန်ငါးနဲ့မက်ထရယ်ငါးတို့လိုအိုမီဂါ၃ဖက်တီးအက်စစ်များ

စွာပါဝင်တဲ့ငါးတွေဟာ နှလုံး ရောဂါ ဖြစ်နိုင် ခြေကို လျော့ကျ စေပြီး

ကိုယ်တွင်း ရောင်
ရမ်းမှု လျော့နည်းစေကာ ဦးနှောက်ရဲ့

လုပ်ငန်း ဆောင်တာ တွေကို ကောင်းမွန်
စေပါတယ်။ ငါးမကြိုက်လို့

မစားရင် အခွံ မာတဲ့ အစေ့အဆန် တွေကို စားပေး သင့်ပါ
တယ်။ 

သောက်သုံးရန်မသင့်သော ရေ(၅)မျိုး

(၁) မီးဖိုပေါ်တွင် အချိန်ကြာမြင့်စွာ ဆူပွက်အောင် ထားသည့် ရေနွေး

(၂) ဓာတ်ဗူးထဲတွင် ရက်ကြာမြင့်စွာ ထားသည့် မလတ်ဆတ်သော ရေနွေး

(၃) အကြိမ်ကြိမ် ဆူဗွက်အောင် ကြိုခဲ့သောရေနွေး

(၄) တစ်ညလွန် ရေနွေးကို ထပ်ကြိုထားသော ရေနွေး (သို့) ထပ်မကြိုထားသော ရေနွေး

(၅) ထမင်း၊ ဟင်းပေါင်းခံရည် ၎င်းရေများ
သောက်သုံးရန် မသင့်ခြင်းမှာ အကြိမ်ကြိမ်

ဆူဗွက်ပြီးသောရေတွင် ကယ်လစီယံ၊
မက်ဂနီစီယံ၊ ဂရိုရင်းနှင့် အခြားသတ္တုများ

ပိုမိုတိုးလာပြီး ကျောက်ကပ်ကို
ထိခိုက်စေ နိုင်သောကြောင့် ဖြစ်သည်။ .

ကျောက်ချဉ်အစွမ်းနဲ့ အမျိုးသမီးများ ကျန်းမာရေး

အမျိုးသမီးတွေဟာ အမျိုးသားတွေထက် ကျန်မာရေး ကိစ္စမှာ ၀န်ပိုတွေ ရှိကြပါတယ်။ အခု ကျမ တင်ပြမယ့် အမျိုးသမီး ကျန်းမာရေးနဲ့ပတ်သက်တဲ့ အကြောင်းမှာ ကျောက်ချဉ်နဲ့ပတ်သက်ပြီး အစွမ်း ထက်မြက်မှု တချို့ပါ။ 

ကျောက်ချဉ်လို့ ပြောလိုက်ရင် မြန်မာစာဖတ်ပရိသတ်တိုင်း သိနားလည်ပြီးဖြစ်နေပါလိမ့်မယ်။ လူတိုင်း၊ ပစ္စည်းတိုင်းမှာ သူ့ တန်ဘိုး ကိုယ်စီ အသီးသီး ရှိတတ်ကြစမြဲဖြစ်တာမို့ ကျောက်ချဉ်ကလည်း သူ့အစွမ်းက သီးခြားရှိပါတယ်။ 

ကျောက်ချဉ်ကို Alum လို့ ခေါ်ပြီး အလူမီနီယမ် ဆာလဖိတ်၊ ပိုတက်ဆီယမ် ဆာလဖိတ်တို့ပါဝင်တဲ့ ဓာတု တွင်းထွက် တမျိုး ဖြစ်ပါတယ်။ 


ကျောက်ချဉ်ဟာ အမျိုးသမီးတွေအတွက် အသုံးအတည့်ဆုံးတခုလို့ ပြောရင် မမှားပါဘူး။ မိန်းမပျိုက အစ၊ ကိုယ်ဝန်မရနိုင်လို့ ကလေးလိုချင်နေတဲ့ အိမ်ထောင်သည် အလယ်၊ သွေးဆုံးနေတဲ့ အမျိုးသမီးတွေ အဆုံး ကျောက်ချဉ်က အလွန်အသုံးဝင်ပါတယ်။ 

အမျိုးသမီးကျန်းမာရေးမှာ အမျိုးသမီးတိုင်း မိန်းမကိုယ်သန့်ရှင်းရေးဟာ အလွန်အရေးကြီးပါတယ်။ အမျိုးသမီးတွေ ကိုယ်နံ့ ထွက်တာ၊ စိတ်လက် မလန်းဆန်းပဲ သွက်လက်မှု မရှိဖြစ်နေတာတွေဟာ၊ ယားယံတတ်တာတွေဟာ မိန်းမကိုယ် သန့်ရှင်းရေးကိစ္စနဲ့ တိုက်ရိုက်ပတ်သက်ပြီး အဆိုပါကိစ္စ မှာ ကျောက်ချဉ်က အလွန်အသုံးတည့်ပါတယ်။ 

ဒီအပြင် ခုခေတ်မှာ နာမည်ကြီးနေပြီး ကာကွယ်ဆေးတွေ ငွေကုန်ခံ ထိုးနေရတဲ့ သားအိမ်ခေါင်း ကင်ဆာ လိုမျိုး မဖြစ်ပွားအောင် ဟန့်တား ကာကွယ်နိုင်မှုမှာ ကျောက်ချဉ်ဟာလည်း အကျိုးအလွန်ရှိပါတယ်။ 

ကိုယ်ဝန်ကို ကျန်းမာစွာ လွယ်လိုသူ အိမ်ထောင်ရှင်အမျိုးသမီးတွေအတွက်လည်း ကျောက်ချဉ်က အစွမ်း ထက်ပါတယ်။ ကလေးမရလို့ စိတ်ညစ်နေရသူများအတွက်လည်း အလွန် အသုံးတည့်ပါတယ်။ 

ဒီအပြင် ရာသီလာချိန် ခေါင်းကိုက်တာ၊ ကိုယ်လက် အဆစ်အမြစ်ကိုက်ခဲတာ၊ သွေးလန့်တတ်တာ၊ ရာသီ မမှန်ပဲ လာရန် ခက်ခဲတာတွေအတွက်လည်း ကျောက်ချဉ်က အသုံးဝင်ပါတယ်။ 

ပြီးတော့ သွေသား သန့်ရှင်းပြီး အသားအရေ စိုပြေမှုတွေကိုလည်း ကျောက်ချဉ်က စွမ်းဆောင်စေပါတယ်။ 
ချွေးပေါက်ကျယ်တာအစ ဒွါရပေါက်တွေလည်း ကျယ်တာကိုလည်း ကျဉ်းစေတဲ့ သတ္တိရှိပါတယ်။

ကျောက်ချဉ်ကို အသုံးပြုပုံကတော့ အင်တုံတခု သို့မဟုတ် ပလပ်စတစ် ဇလုံကြီး တခုထဲမှာ ကျောက်ချဉ် ကို သင့်တင့်တဲ့ ပမာဏ ထည့်ပြီး ပျော်ဝင်သည်ထိ စောင့်ပါ။ ပြီးရင် အမျိုးသမီးများအနေနဲ့ မိမိရဲ့ မိန်းမကိုယ်ကို အဆိုပါ ဇလုံတွင်း ကျောက်ချဉ် ရေဖြင့် တနေ့လျှင် ၁၅ မိနစ်လောက် စိမ်ပေးပါ။ 

လုပ်နည်းလုပ်ဟန်က အင်မတန် ရိုးစင်းပြီးလွယ်ပေမယ့် နေ့စဉ်ပုံမှန် လုပ်ဆောင်ပေးခြင်းဆိုတဲ့အရာကို အမျိုးတော်တော် များများမှာ အခက်အခဲတွေ့တတ်ကြပါတယ်။ ဒါကိုတော့ သတိပြုစေချင်ပါတယ်။ 

နေ့စဉ် ၁၅ မိနစ်တာ ကိုယ့်ကျန်းမာရေးအတွက် အချိန်ပေးပြီး ကျောက်ချဉ်ရေ စိမ်ပေးခြင်းကြောင့် ရရှိ လာမယ့် ရလာဒ်က ကြီးမားလှပါတယ်။ 

ပျိုမေတို့မှသည် သက်ကြီးရွယ်အို အမျိုးသမီးကြီးတွေအထိ အသုံးတည့်ပြီး အကျိုးရှိတဲ့ နည်းလမ်း တခု လည်းဖြစ်ပါတယ်။ ငွေကုန်ကျေးကျလည်း အလွန်နည်းပြီး ခက်ခဲမှုလည်း မရှိပါဘူး။

ဒိန်ချဉ်စားခြင်းကြောင့် သွေးဖိအား မြင့်တက်မှုကို ကာကွယ်နိုင်

ကယ်လိုရီနည်းစွာပါဝင်တဲ့ဒိန်ချဉ်ကို နေ့စဉ်စားသုံးပါက သွေးဖိအား မြင့်တက်မှု ဖြစ်နိုင်ခြေ လျော့နည်းကြောင်း လေ့လာမှု အသစ်အရ အကြံပေးထားပါတယ်။ အမေရိကန် နှလုံးရောဂါအဖွဲ့မှ သွေးတိုးရောဂါနဲ့ ပတ်သက်ပြီး သုတေသန ပြုလုပ်ချက်အရ ဒိန်ချဉ်ကို ရေရှည် စားသုံးသူတွေဟာ အပေါ်သွေးဖိအား နိမ့်ကျနိုင်ကြောင်းနဲ့ သွေးတိုးရောဂါ ဖြစ်နိုင်ခြေ နည်းပါးကြောင်း တွေ့ရှိခဲ့ပါတယ်။ သွေးဖိအား မြင့်တက်တာကို ကုသမှု မခံယူရင် သွေးကြောတွေ ပျက်စီးနိုင်ပြီး သွေးကြောတွင်း အမာရွတ်တွေ ဖြစ်တတ်ပါတယ်။ သွေးကြောတွေမှာ ဒဏ်ရာ ရရှိတာကြောင့် သွေးကြောတွင်း ရောက်ရှိလာတဲ့ ကိုလက်စထရောနဲ့ သွေးခဲဖတ်လို အစအနလေးတွေဟာ ဒဏ်ရာရှိတဲ့ နေရာမှာ တွယ်ကပ်နေတတ်ပြီး သွေးကြော ပိတ်ဆို့မှုတွေ ဖြစ်ပေါ်တတ်ပါတယ်။ ဒိန်ချဉ်မှာ ကယ်လ်စီယမ်နဲ့ ပရိုတင်းတွေ များစွာ ပါဝင်ပြီး ဗိုက်ပြည့်တင်းမှု ရရှိစေကာ အရည်ဓာတ်ကိုလည်း ရရှိစေပါတယ်။ လေ့လာမှုပြုသူတွေဟာ သွေးတိုးရောဂါ မရှိသူ လူပေါင်း ၂၀၀၀ ကျော်ကို ၁၅ နှစ်ကြာ သုတေသန ပြုလုပ်ခဲ့ရာမှ ဒိန်ချဉ်ကို ရေရှည်သောက်သုံးသူတွေဟာ သွေးတိုးရောဂါ မဖြစ်ကြောင်း တွေ့ရှိခဲ့တာ ဖြစ်ပါတယ်။

By Good Health
Source: http://www.yatanarpon.com.mm/cp/goodhealth/news-69352

ကျောက်ကပ်ကို ဓါတ်ခွဲခန်းမှာ ဖန်တီးနိုင်ပြီ

http://www.bbc.co.uk/burmese/world/2013/04/130415_labkidney.shtml

နွားနို့၏ ရောဂါ ကာကွယ်နိုင်သော အစွမ်းများ

နွားနို့မှာ ကျန်းမာရေး အကျိုးကျေးဇူး အမျိုးမျိုး ရှိတဲ့အနက် ရောဂါ ကာကွယ်နိုင်စွမ်း ရှိတာကိုလည်း အောက်ပါအတိုင်း လေ့လာ တွေ့ရှိရပါတယ်။

သွေးဖိအားကို ထိန်းပေးနိုင်ခြင်း

သွေးတိုးနေတဲ့ လူတွေကို ဆားပါဝင်မှု နည်းတဲ့ အစားအသောက်တွေ စားသုံးဖို့ ဆရာဝန်တွေက ညွှန်ကြားလေ့ ရှိပါတယ်။ လေ့လာမှု အမျိုးမျိုးအရ
 သွေးတိုးရောဂါ ရှိသူတွေမှာ နေ့စဉ် သစ်သီးနဲ့ ဟင်းသီးဟင်းရွက် များများစားပြီး အဆီမပါတဲ့ နွားနို့ နှစ်ဖန်ခွက် သောက်ပေးတာကြောင့် သွေးဖိအား လျော့ကျမှု ရှိတာကို တွေ့ရပါတယ်။ နွားနို့ထဲမှာ ပါဝင်တဲ့ မဂ္ဂနီစီယမ်၊ ပိုတက်စီယမ်နဲ့ ကယ်လ်စီယမ် သတ္တုဓာတ်တွေကြောင့် သွေးဖိအားကို ပုံမှန်ဖြစ်အောင် ထ်ိန်းပေးနိုင်တာ ဖြစ်ပါတယ်။

အရိုးများကို သန်စွမ်းစေခြင်း

နွားနို့ထဲမှာပါတဲ့ ကယ်လ်စီယမ်၊ ပိုတက်စီယမ်၊ ဗီတာမင်နဲ့ ပရိုတင်းဓာတ်တွေဟာ အရိုးတွေကို သန်စွမ်းကျန်းမာ ဖွံ့ဖြိုးစေပါတယ်။ နွားနို့ကို ပုံမှန် သောက်တာကြောင့် အရိုးအက်နိုင်ခြေနဲ့ အရိုးပါး ရောဂါ ဖြစ်နိုင်ခြေကို လျော့ကျစေပါတယ်။

နှလုံးသွေးကြောဆိုင်ရာ ရောဂါများ ကင်းဝေးစေခြင်း

အဆီထုတ်ထားတဲ့ နို့နဲ့ နို့ထွက်ပစ္စည်းတွေကို မှန်မှန် သောက်သုံးတာကြောင့် နှလုံးသွေးကြောဆိုင်ရာ ရောဂါ အမျိုးမျိုးကို မဖြစ်အောင် ကာကွယ်ပေးနိုင်ပါတယ်။ နွားနို့ သောက်တာကြောင့် ခန္ဓာကိုယ်က ကယ်လ်စီယမ် ပမဏ များများ ရရှိကာ နှလုံးရောဂါထတာ (Heart Attack) မဖြစ်အောင် ကာကွယ်ပေးနိုင်ပြီး သွေးထဲမှာ မလိုလားအပ်တဲ့ ကိုလက်စထရော အဆီဓာတ်ကို လျော့ကျစေတာကြောင့် နှလုံးသွေးကြောဆိုင်ရာ ရောဂါတွေရဲ့ အန္တရာယ်ကို လျှော့ချပေးနိုင်ပါတယ်။

ဆီးချို သွေးချို ရောဂါကို ကာကွယ်ပေးခြင်း

ဆီးချို သွေးချို ရောဂါဟာ အရွယ်ရောက်သူတွေမှာ အဖြစ်များတဲ့ ရောဂါပါ။ အဆီနည်းနို့နဲ့ နို့ထွက်ပစ္စည်းကို သောက်တာက အမျိုးအစား (၂) ဆီးချို သွေးချို ရောဂါ ဖြစ်နိုင်ခြေကို သိသိသာသာ လျော့ကျစေပါတယ်။

အဝလွန်မှု မဖြစ်အောင် ကာကွယ်ခြင်း

အဆီနည်း နို့ကို ပုံမှန်သောက်တာကြောင့် အာဟာရဓာတ် ပြည့်ဝစေပြီး ဗိုက်ပြည့်ကာ အဆာခံစေပါတယ်။ နွားနို့ထဲမှာ ပါတဲ့ ကယ်လ်စီယမ်ဓာတ်ကလည်း ခန္ဓာကိုယ် အဆီတွေကို လျော့ကျစေတာကြောင့် အဝလွန် ဖြစ်နိုင်ခြေကို လျော့ကျစေပါတယ်။

ကင်ဆာရောဂါ အန္တရာယ် လျော့ကျခြင်း

အူမကြီးကင်ဆာ ဒါမှမဟုတ် ရင်သားကင်ဆာ ဖြစ်နိုင်တဲ့ အန္တရာယ်ဟာ ပုံမှန် အဆီနည်းနို့ သောက်တာကြောင့် လျော့ကျစေနိုင်တယ်လို့ လေ့လာသူတွေက ဆိုပါတယ်။ နို့နဲ့ နို့ထွက်ပစ္စည်းထဲမှာ ပါတဲ့  ကယ်လ်စီယမ်နဲ့ CLA (Conjugated Linolenic Acid) ဟာ ခန္ဓာကိုယ်ကို အူမကြီးနဲ့ ရင်သားကင်ဆာ ဖြစ်နှုန်း လျော့ကျအောင် ကူညီပေးပါတယ်။

သွားကျန်းမာရေးကို ကောင်းမွန်စေခြင်း

နွားနို့ထဲမှာ ကေစင် (Casein) ဓာတ် မြင့်မားစွာ ပါဝင်ပါတယ်။ ဒီပရိုတင်းဓာတ်ဟာ သွားကြွေလွှာ မျက်နှာပြင်ကို အကာအကွယ် ပေးထားပါတယ်။ နွားနို့ထဲမှာ ပါတဲ့ ဖော့စ်ဖရပ်စ်နဲ့ ကယ်လ်စီယမ်ဓာတ်ဟာလည်း သွားတွေကို သွားပိုးစားမှု မဖြစ်အောင် အကာအကွယ် ပေးနိုင်ပါတယ်။

ကြယ်စင်Ref: Good Health
Source: http://www.yatanarpon.com.mm/news/news-50215

HIV ပိုးတွေ့ပြီး ချက်ချင်းကုသလျင် AIDS ပပျောက်နိုင်

HIV ရောဂါပိုး ကူးစက်ခံရသူတွေကို အလျင်အမြန် ဆေးဝါးကုသမှုပေးနိုင်ရင် AIDS ရောဂါဖြစ်ပေါ်စေတဲ့ ပိုးမွှားတွေ ပျောက်ကင်းစေတဲ့အထိ ဖြစ်နိုင်တယ် ပြင်သစ် သိပ္ပံပညာရှင်တွေက ပြောလိုက်ပါတယ်။

အခု အသစ် ရှာဖွေ တွေ့ရှိလိုက်တဲ့ သုတေသန အသစ်ကိုတော့ PLoS Pathogens ဆိုတဲ့ ဂျာနယ်မှာ ဖော်ပြထားတာပါ။ အမေရိကန်နိုင်ငံမှာ မိခင်ဝမ်းတွင်းမှာကတည်းက HIV ရောဂါပိုး ရှိနေတဲ့ မွေးကင်းစ ကလေးငယ်လေးတဦးကို မွေးပြီးပြီးချင်း နာရီပိုင်းအကြာမှာ ဆေး ကုသမှု ပေးလိုက်ရာက ရောဂါပိုး လုံးဝ ပျောက်ကင်းသွားတဲ့အကြောင်း အခုလ အစောပိုင်းတုန်းက ကြေညာအပြီး ဒီသုတေသန ထွက်လာတာပါ။

ပြင်သစ်သုတေသီတွေက အရွယ်ရောက်ပြီးသူ ဝေဒနာရှင် ၁၄ ဦးကို ရောဂါပိုး ကူးစက်ပြီးပြီးချင်း ကုသမှုပေးခဲ့ကြတာပါ။ ဒါပေမယ့် အဲဒီ လူနာတွေဟာ နောက်ဆုံးမှာ ဆေးမသောက်တော့ဘဲ (၇) နှစ် နေခဲ့ကြပါတယ်။ လူနာတွေမှာ ရောဂါ ပြန်ဖြစ်လာတဲ့ လက္ခဏာ မတွေ့ရဘူးလို့ သိပ္ပံပညာရှင်တွေက ပြောပါတယ်။ ပုံမှန်အားဖြင့်တော့ ဆေးမသောက်ပဲ နေလိုက်ရင် HIV ရောဂါပိုးဟာ ပြန်ထလာလေ့ ရှိပါတယ်။

ရောဂါကို စောကုသလိုက်ခြင်းအားဖြင့် ခန္ဓာကိုယ်ထဲမှာ ရောဂါပိုးတွေ သိုလှောင်ထားလို့ မရတော့တဲ့အပြင် ရောဂါပိုးသန္ဓေပါ ပြောင်းသွားတယ်လို့ သုတေသီတွေက ပြောပါတယ်။ ရောဂါကို စောစီးစွာ အလျင်အမြန် ကုသလိုက်ခြင်းရဲ့ အကျိုးက ကိုယ်ခံအားကိုပါ ထိန်းသိမ်းထားရာ ရောက်တယ်လို့ ဆိုပါတယ်။

Female orgasm (1) အမျိုးသမီး ပြီးခြင်း

အသက် ၁၈ နှစ်ပြည့်မှ ဖတ်ပါ (၁၃)

“Orgasm ဆိုတာ လိင်စိတ်နိုးဆွရာက ဖြစ်လာတဲ့ အကျိုးရလဒ် ဇီဝကမ္မဖြစ်စဉ်တရပ်” လို့ အဓိပ္ပါယ် ဖွင့်ပါတယ်။ “လိင်ဆက်ဆံမှု ဖြစ်စဉ်ရဲ့ အဆုံးပိုင်း” လို့ ယေဘူယျ ပြောကြပေမဲ့ အတိအကျဆိုရရင် မဟုတ်သေးပါ။ (မာစတာဘေးရှင်း) ကို ဆက်ဆံမှု တခုရဲ့ အစိတ်အပိုင်း တခုဖြစ်ဖြစ်၊ အပြီးရောက်သွားအောင်ဖြစ်ဖြစ် လုပ်လို့ရတယ်။ တယောက်တည်းက ဖြစ်ဖြစ် တယောက်မကဖြစ်ဖြစ်၊ အင်္ဂါတမျိုးထဲသုံးပြီး ရရှိနိုင်လို့ ဖြစ်ပါတယ်။ Orgasm ကျား-မ နှစ်မျိုး ရှိတာထဲက “မ” နဲ့ ပတ်သက်တာကိုသာ ရွေးရေးပါမယ်။ အပြီးရောက်ဘို့ ယောက်ျား ၂-၅ မိနစ်၊ မိန်းမ ၂ဝ မိနစ်ကြာတယ်လို့ ဆိုတယ်။ သုတေသန အမျိုးမျိုးက ကိန်းဂဏန်း အမျိုးမျိုး ထုတ်တယ်။ မတူကြဘူး။ မတူတဲ့ အထဲမှာ တူတာက “အမျိုးသမီးများဟာ ယောက်ျား တခါပြီးတိုင်း၊ သူတို့ တခါမပြီးပါ။” ထပ်တူသေးပြန်တာက “မိန်းမတွေ ရာနှုံးတချို့ (၇-၁ဝ%) က တခါမှ မတခါဘူး။” တချို့ဆိုရင် Orgasm ဖြစ်ရမှန်းကိုတောင်မှ မသိရှာကြပါ။

စိတ်ပျက်စရာ မကောင်းတာကတော့ အမျိုးသမီးများဟာ ပြီးမသွားပေမဲ့ အများအားဖြင့် ကျေနပ်မှုရကြတယ်။ ပူးကပ်-ပွတ်သပ်မှု၊ ယုယ-အနှစ်သက်ခံရမှု၊ စတာတွေအပေါ်မှာ တန်ဘိုးကြီးကြီးထားတယ်။ နဲနဲလွဲနေတာတခုက “မိန်းမ ပြီးတာကို မိန်းမထက် ယောက်ျားက ပိုဖြစ်စေချင်နေတတ်တယ်။” အမျိုးသမီး မပြီးတာက ငါ့ကြောင့်လား။ သူ့ကြောင့်လား တွေးလာလို့ပါ။

၁၉၆ဝ ခုနှစ်မှာ ကျား ၃၁၂ နဲ့ မ ၃၈၂ ကို Orgasm ဖြစ်ရင် ဘာတွေ ဖြစ်လာသလဲဆိုတာ စမ်းသပ်ပြီး၊ ထုတ်ပြန်တာက “စိတ်လှုတ်ရှားမှု အရှိန်တက်လာ၊ သွေးစီးဆင်းမှု များလာ၊ ဒီအဆင့်မှာ တန်းနေရာကနေ (အော်ဂဇင်) ဖြစ်လာပြီး၊ နောက်ဆုံး အားလုံး ပြန်လျှော့ကျသွားတယ်။” လို့ ဆိုပါတယ်။ ၁ဝ နှစ်ကြာတော့ အမျိုးသမီး သုတေသီတယောက်ကနေ ထပ်ဖြည့်တာက “စိတ်လှုတ်ရှားမှုထဲမှာ စိုးရိမ်မှု၊ ခုခံနိုင်စွမ်းမဲ့မှုနဲ့ အပြန်အလှန် ပြောဆိုနိုင်စွမ်းမရှိမှု တွေကြောင့် လိင်စိတ်ကို နည်းစေနိုင်သလို၊ (အော်ဂဇင်) ရမှာကိုပါ တားဆီးစေနိုင်တယ်။” တဲ့။

နောက် ၁ဝ နှစ်ကြာပြန်တော့ အမျိုးသမီးပညာရှင် တယောက်က “Desire ဆန္ဒက Arousal စိတ်ဖြစ်ပေါ်မှု နဲ့ Orgasm ပြီးဆုံးခြင်းကို သက်ရောက်စေတာ မှန်ပေမဲ့၊ Orgasm ဟာ အထွတ်အထိပ် မဟုတ်ဘူး။ ဆက်ဆံမှု အဆင့်တဆင့်မှာလည်း ကျေနပ်မှု ရစေနိုင်တယ်” လို့ ယူဆပါသတဲ့။ (အော်ဂဇင်) ဟာ သာယာမှုအထွတ်အထိပ်လို့ အလွယ်ပြောတာ သိပ်မမှန်ပါ။ အဓမ္မပြုကျင့်တာ ခံရတဲ့အခါ ရှက်စိတ်နဲ့ရောပြီး၊ “အနည်းအပါး” ဖြစ်သွားတတ်သေးတယ်။

Orgasm ဟာ ကျန်းမာရေးအတွက် အများကြီး အထောက်အကူပြုပါတယ်။ ၁၉၉၇ တုံးက British Medical Journal မှာ အသက် ၄၅-၅၉ ရှိသူ ယောက်ျား ၉၁၈ ဦးကို ၁ဝ နှစ်တာ စမ်းသပ်တဲ့အခါ၊ Orgasms နည်းနည်းသာ ဖြစ်ခဲ့သူတွေက ပိုပြီး အသက်တိုတယ်။ လိင်ဆက်ဆံမှု ရှိခဲ့သူတွေမှာ နှလုံးရောဂါဖြစ်တာလည်း ထက်ဝက် နည်းတယ်လို့ ရေးခဲ့တယ်။ (ကလိုရီ) အများကြီး သုံးပြစ်လို့ အလေးချိန် ကျစေနိုင်တယ်။

အမျိုးသမီးမှာ Orgasm ရရင် ကလေးရနိုင်လမ်း ပိုများစေတယ်လို့ ဆိုတယ်။ အဲဒီချိန်မှာ သူ့မွေးလမ်းက ပိုတိုသွားတဲ့ပြင် စုပ်အား ဖြစ်လာလို့တဲ့။ ဒါကို မှန်းပြောကြတာတော့ မဟုတ်ဘူး။ ၁၉၉၄ တုံးက (ဗော်လန်တီယာ) အမျိုးသမီးတွေကို လိင်ဆက်ဆံနေတုံး (ဗဂျိုင်းနား) ထဲမှာ Fiber optic cameras ထည့်ထားပြီး လေ့လာတာပါ။

ဒီအဆင့် ရောက်တော့မယ် ဆိုတာကို သူမကိုယ်တိုင် သိတယ်။ Sex flush မျက်နှာနီမြန်းလာမယ်။ Clitoris သန်မာလာပြီး၊ အတွင်းကို ငုံ့လာတယ်။ Vagina ပိုစိုစွပ်လာပြီး၊ နုတ်ခမ်းကြွက်သားငယ်က အရောင်ရင့် လာမယ်။ အဝပိုင်းက ကြုံ့-ကြပ်လာပြီး၊ ကျန်အပိုင်းက ပိုရှည်၊ ပိုကျယ်၊ ပိုဖေါင်းကြွလာတယ်။ ရင်သားထိပ် တင်းတောင့်လာတယ်။ သားအိမ်၊ မွေးလမ်း၊ စအို၊ တင်ပါးဆုံထဲက ကြွက်သားတွေ “အလိုအလျောက်” စည်းချက်ကျကျ ကြုံ့လာတယ်။ နှလုံးခုန်နှုံး မြန်လာတယ်။ အသက်ရှူတာ မြန်လာ-ပြင်းလာတယ်။ ဒါ့ပြင် သားအိမ်ကပါ ၃-၁၅ ခါလောက် ကြုံ့လာတယ်။ ကလေးဖွါးချိန် ထွက်တဲ့ Oxytocin ဟော်မုန်း ထွက်လာတယ်။ သာယာမှု အထွတ်အထိပ်ကို ခံစားရတယ်။ Euphoric sensation “ပီတိလွှမ်းဖြာ ခံစားမှုပါ” လို့ ပြောနိုင်တယ်။

ယောက်ျားတွေလို ပန်းထွက်တာမျိုး အမျိုးသမီးကလည်း အဆုံးသတ်မှာ Ejaculation ဖြစ်နိုင်တယ်လို့ ဆိုကြတယ်။ ဆီးသွားပြွန်ဘေးက Ducts ငယ်လေးတွေကနေ ဆီးသွားသလို အရည်ထွက်လာတဲ့။ ငြင်းနေကြဆဲပါ။

Orgasm ကိုတော့ လူတိုင်းလိုလိုက သိကြတယ်။ Anorgasmia, Ejaculatory Anhedonia, Inorgasmia ဆိုတဲ့ ဆေးဝေါဟာရတွေကိုတော့ ဆရာဝန်တချို့တောင်မှ သိပ် သတိမထားမိတတ်ကြပါ။ Orgasm မဖြစ်တာကို ခေါ်တာပါ။

အမျိုးသမီး ပြီးစီးအောင် ဘယ်လို ကြံဆောင်မလဲ။ Clitoris က အရေးပါလာတယ်။ (ကလိုက်တောရစ်) ဟာ အမျိုးသား လိင်အင်္ဂါနဲ့ ခန္ဓာဗေဒအရ တသဘောတည်း ဖြစ်တယ်။ သူ့အရေးပါမှုကို အများက လက်ခံကြတယ်။ Freud's theory အရ Clitoral orgasm (ကလိုက်တောရစ်) ကျေနပ်မှု နဲ့ Vaginal orgasm (ဗဂျိုင်းနား) ကျေနပ်မှု ဆိုပြီး၊ နှစ်မျိုး ခွဲထားတယ်။ ပဌမ အမျိုးအစားဟာ အပျိုဖြစ်ချိန်မှာ ဖြစ်တာနဲ့ နောက်တမျိုးက အရွယ်ရောက်ပြီးသူတွေနဲ့ ဆိုင်တယ်။ အပျိုစစ်စစ် ဖြစ်အုံးတော့ Clitoris ကို နိုးဆွရင် (အော်ဂဇင်) ရစေနိုင်တာဖြစ်ပြီး၊ နောက် တမျိုးမှာတော့ (ဗဂျိုင်းနား) ကို အသုံးချမှ ရတာဖြစ်တယ်။

ဒီ (သီအိုရီ) အရဆိုရင် အရွယ်ရှိသူတွေမှာ Clitoris ရဲ့ အရေးပါမှုကို ဘေးချိတ်ထားသလို ပြောရာ ကျနေတယ်။ Clitoris မှာ ခံစားနိုင်တဲ့ အာရုံကြောတွေ အများကြီးရှိတာမို့ ကလိရင်-ထိရင် လိင်စိတ် ကြွစေတယ်။ ဆက်ဆံနေချိန်မှာ နေရာကို ကျားအင်္ဂါနဲ့ ထိစေရင် အဲဒီအကျိုးကို ရစေတယ်။ ကျားအင်္ဂါနဲ့သာ မဟုတ်ပါ။ ကိုယ်တိုင်ဖြစ်ဖြစ် ကရိယာနဲ့ ဖြစ်ဖြစ် ထိစေရင်လည်း ဖြစ်ပါတယ်။ ခံစားကြပုံချင်း တဦးနဲ့တဦး မတူဘူး။ တချို့က ထိပ်နေရာကို ဘယ်လောက် ထိ-ကိုင်-ပွတ်သပ်ပါစေ ခံနိုင်ပေမဲ့၊ တချို့ကြ သိပ် Sensative ဖြစ်တာမို့ အသာအယာ မဟုတ်ရင် နာတာဖြစ်စေတယ်။ မြင်နိုင်တဲ့နေရာ သာမကပါ၊ အထဲမှာ အင်္ဂါအဝ ဘေးတဖက်ဆီ ဆက်ဆင်းသွားတဲ့ မြင်းခွါပုံလို (တစ်ရှူး) ရှိသေးတယ်။ ဒီအစိတ်အပိုင်းကိုပါ ထိမိရင် ခံစားမှုပိုစေတယ်။ နာတာလည်း မရှိဘူး။

နောက်ထပ် အရေးပါတာ လာပြန်ပါသေးတယ်။ G-spot ဆိုတဲ့နေရာကို Dr. Ernst Grafenberg ကနေ စပြောခဲ့တာမို့ သူ့နာမည်ကို ဂုဏ်ပြုထားတာပါ။ လူပြောများတယ်။ တကယ် ရှိတယ်-မရှိဘူး၊ ရှိရင်လည်း ဘယ်မှာရှိလဲ၊ ငြင်းနေကြတုံးဘဲ။ (ဗဂျိုင်းနား) နံရံရဲ့ ရှေ့-အပေါ်ပိုင်း၊ ဆီးစပ်ရိုး အောက်-နောက်နားမှာလို့ ပြောတယ်။ နေရာကို နှစ်ခွ ရေးရတာကတော့ ခန္ဓာဗေဒကို စာသင်သလို ပြောရရင် လူတယောက်ကို “မတ်တပ်ရပ်၊ ရှေ့တည့်တည့်ကြည့်၊ လက်ကို ဆန့်တန်း၊ လက်ဝါးကို ဖြန့်ပြီး ရှေ့ကို မျက်နှာမူတဲ့ အနေအထား” ပေါ် မူတည်ပြီး၊ တခုနဲ့တခုကို နှိုင်းပြောရတယ်။ ဆိုလိုတာက လက်မြှောက်ထားပေမဲ့ တံတောင်ဆစ်ဟာ လက်ကောက်ဝတ်ရဲ့ အထက်မှာ။ အိပ်နေနေ၊ မနေနေ အမျိုးသမီး ဆီးသွားလမ်းဟာ (ဗဂျိုင်းနား)ရဲ့ ရှေ့မှာ ရှိတယ်လို့ ပြောရတယ်။

ရင်သား၊ တင်ပါး နဲ့ စအိုတို့ကလည်း လိင်စိတ်ကြွစေတဲ့အပြင် (အော်ဂဇင်) အထိ အထောက်အကူပြုတယ်။ တချို့မှာ Sexual dreams အိပ်မက်ကြောင့်လည်း ရစေနိုင်တယ်။

စကားပုံတခုရှိတယ်။ “ယောက်ျားသည် မီး၊ မိန်းမသည် ရေ” တဲ့။ မီးကနေ ရေကို ပွက်ဆူစေရပါသတဲ့။ ဒီသဘောအတိုင်း Orgasm ရအောင် ယောက်ျားကနေ စွမ်းဆောင်ပေးဘို့ လိုတယ်။ အမျိုးသမီးတွေက စိတ်ဖြစ်ပေါ်လာဘို့ အချိန် ပိုယူတယ်။ သူတို့အများစုက Foreplay ကြိုတင်နိုးဆွမှု လုပ်တာကို အမျိုးသားတွေထက် ပိုသဘောကျတယ်။ ဘယ်လို လုပ်သင့်တယ် ဆိုတာ ဆေးပညာ မတတ်လည်း နားလည်ကြတာမို့ မရေးတော့ပါ။ ရေးချင်တာက “မလောပါနဲ့။ အတင်း မဖြစ်မနေ Orgasm ရအောင် အလုပ်မခိုင်းပါနဲ့။ OG သွားပြခိုင်းတာကို နောက်ဆုံးကြမှ စဉ်းစားပါ။”

စိတ်တူသဘောတူ ယောက်ျား Orgasm ရတာကို အမျိုးသမီးက သိပ်တန်ဘိုးထားတယ်။ သူ့မအတွက်ပါ ကျေနပ်မှု ဖြစ်စေတယ်။ အမျိုးသမီးတွေက တခါ Orgasm ရပြီး၊ ဆက်တိုက်ဆိုသလို စိတ်ဖြစ်ပေါ်မှု ပြန်ရလာတယ်။ ယောက်ျားများ ကတော့ တခါပြီးတဲ့နောက် အချိန် ကန့်လန့်ကာ ချလိုက်ရသေးတယ်။ အမျိုးသမီးတွေက “တဆက်တည်း” တခါမက ရနိုင်တယ်။ Multiple orgasms ရှိတာ သေခြာတယ်။ နောက်တခါ ထပ်ရတာက ပိုတောင် ပြင်းထံသေးတယ်။ နောက်ပြန်ရဘို့က အရင်တခါလောက် အချိန်မယူဘူး။ ဆိုင်ရာနေရာ-အင်္ဂါတွေက ပိုပြီး Sensitive ဖြစ်လာလို့ပါ။ သူတို့မှာ (အော်ဂဇင်) ကို ခံစားရချိန်ကလည်း အမျိုးသားထက် အချိန်ပိုကြာတယ်။ “ယောက်ျားထက်အရင် မိန်းမက Orgasm ရတာမျိုးက (ပါဖက်) ဖြစ်တယ်လို့ ဆိုနိုင်တယ်။”

Orgasm ရစေချင်ရင် အမျိုးသမီးအနေနဲ့ စိတ်ပိုင်းအခြေအနေ လုံခြုံမှုရှိနေစေသင့်တယ်။ အဖေါ်မှာ STD ရှိသလား။ သူများတွေ မြင်မှာလေလား။ Orgasm ဆိုတာက ဘယ်လိုက ဘယ်လို ဆိုတာကိုပါ သိသင့်တယ်။ အမျိုးသမီးကို သူ့ဖါသူ (မာစတာဘေးရှင်း) အလုပ်ခိုင်းဘို့လည်း အကြံပေးကြတယ်။ Fantasies အဆန်းတွေလည်း တချို့က သဘောကျတယ်။ သူများကြိုက်တာက ကိုယ့်အတွက် ကောင်းချင်မှ ကောင်းတာကို သတိပြုပါ။ အနေအထား ရွေးတတ်ပါ။ “သူမကို ဦးဆောင်စေတာဟာ အကောင်းဆုံး နည်းလမ်းဖြစ်တယ်။”

ယောက်ျားတွေက Orgasm control လုပ်နိုင်တာ၊ အမျိုးသမီးတွေက Orgasm များများရတာမျိုးက အတွေ့အကြုံနဲ့ အသိတရားပေါ်မှာ မူတည်တယ်။ အိမ်ထောင်ကျခါစ မဖြစ်သေးတာ လူလိုကိုယ်လိုပါ။ မိန်းကလေးတွေဟာ ငယ်ရင် ဖြစ်သွားခဲ့တာကို သိချင်မှ သိအုံးမယ်။ သူ့အဆင့်နဲ့သူ တိုးတက်လာမှာပါ။ ဖြစ်စေ-ကောင်းစေ လုပ်နိုင်တဲ့ ဆေးဝါးတွေလည်း ရှိတော့ရှိတယ်။ အများအားဖြင့် တရားမဝင်ဆေးတွေမို့ မရေးတော့ပါ။ နာမည်ကြီး Viagra နဲ့ အလားတူ Vigora ဆေးတွေဟာ ပန်းညှိုးရောဂါအတွက် ဖြစ်ပါတယ်။ ဒီဆေးက ကျားအင်္ဂါမှာ သွေးပိုစီးလျှောက်စေတယ်။ စိတ်ဖြစ်ပေါ်မှုကို အားပေးတာ မဟုတ်ဘူး။ ပန်းညှိုးတာ မဟုတ်လည်း သုံးရင် အချိန်ကြာကြာ တောင့်တင်းနေစေတယ်။ ဒါ့ကြောင့် အမျိုးသမီးကို Orgasm ရအောင် ကူညီဘို့ အချိန်ပိုရစေနိုင်တယ်။ တကြိမ်မှာ ၅ဝ မီလီဂရမ်ဆို လုံလောက်တယ်။

ဒီအချိန်မျိုးတွေမှာ အမျိုးသမီးကနေ Cry and Moan အသံထွက်တာ၊ အော်တာ၊ ငိုမလိုဖြစ်တာမျိုးက တယောက်နဲ့ တယောက် မတူဘူး။ အသံလုံးဝ မထွက်သလောက်နဲ့ ကျယ်လောင်တာအထိ ကွာခြားတယ်။ တယောက်တည်း တောင်မှ တချိန်နဲ့ တချိန်၊ တရွယ်နဲ့ တရွယ် မတူဘူး။ ဒါရိုက်တာကနေ မင်းသားကို ပြောချင်တယ် “သူများလို မဟုတ်လို့ ကိုယ့်မင်းသမီးကို အထင်မသေးသင့်ဘူး။”

(ရှိတ်စပီးယား) ရဲ့ (လိုင်း) တွေရှိတယ်။ "I will live in thy heart, die in thy lap, and be buried in thy eyes" "I will die bravely, like a smug bridegroom" “သူမရဲ့ ပေါင်ကြားမှာဘဲ သေသွားပါစေ။” “ငါဟာ သွေးနားထင်ရောက်နေတဲ့ သတို့သားလို သတ္တိရှိရှိ သေသွားမယ်။” တဲ့။

Female Orgasm (2) အမျိုးသမီး ပြီးတာကို ပိုနားလည်လာပြီ http://dts-medicaleducation-adult.blogspot.in/2012/03/female-orgasm-2.html

Dr. တင့်ဆွေ
၂-၆-၂ဝ၁ဝ

Pregnancy and Ejaculation ကိုယ်ဝန် နဲ့ သုက်လွှတ်ခြင်း

Thu, Nov 3, 2011 at 12:07 PM
- အမျိုးသမီးတွေက ကိုယ်ဝန်ရှိတာကို ဘယ်လိုသိနိုင်ပါသလဲ။ ဆက်ဆံပြီး အချိန်ဘယ်လောက်ကြာမှ သိနိုင်ပါသလဲ။
- ရှိပြီဆိုရင် ဘယ်လိုလက္ခဏာတွေ ပြနိုင်ပါသလဲရှင်။
- နောက်ပြီး အမျိုးသားတွေက သုက်လွတ်တယ်ဆိုတာကို သူတို့ကိုယ်တိုင် သိနိုင်ပါလား။
- အမျိုးသားနဲ့ အမျိုးသမီး ဆက်ဆံတုန်းမှာ အမျိုးသားတွေက သုက်မလွတ်ရင် ကိုယ်ဝန် မရနိုင်ဘူးလားဆရာ။
- နောက်ပြီး မေးချင်တာရှိရင် နောက်ထပ်ဆရာဆီကို မေးပို့ပြီးမေးလို့ ရပါသလားရှင်။ - Become Pregnant ကိုယ်ဝန်ရနိုင်ခြင်း http://dts-medicaleducation-adult.blogspot.in/2012/03/become-pregnant.html
- ANC (Antenatal Care) ကိုယ်ဝန်ဆောင် စောင့်ရှောက်ခြင်း http://dts-medicaleducation.blogspot.com/2010/03/anc-antenatal-care.html
- ကျန်းမာရေး နဲ့ ဆေးပညာ မေးလိုတာရှိပါက အတိုင်း မေးနိုင်ပါတယ်။

အမျိုးသားတွေက သုက်လွတ်တယ်ဆိုတာကို သူတို့ကိုယ်တိုင် သိနိုင်ပါတယ်။ သုက်လွှတ်ချိန်ဟာ အထွတ်အထိပ် ဖြစ်နေချိန်ဖြစ်တယ်။ ဆေးစာ (အင်္ဂလိပ်စာ) နဲ့ Orgasm လို့ရော Climax လို့ပါ ခေါ်တယ်။ သုက်လွှတ်ခြင်းကိုတော့ Ejaculation လို့ ခေါ်တယ်။ အဲဒီ ဖြစ်စဉ်ပြီးတာနဲ့ အမျိုးသားဟာ ယာယီသဘောပြောပြော ဒီတခါဘဲပြောပြော လိင်ကိစ္စ ပြီးဆုံးသွားတဲ့သဘော ဖြစ်တယ်။ စိတ်ရော ရုပ်ပါ၊ တခန်းရပ်သွားတယ်။ နောက်တကြိမ် ပြန်ဖြစ်ဘို့ အချိန် ယူရသေးတယ်။ မိနစ်ပိုင်းသာ ကြာတာလဲ ဖြစ်ပါတယ်။ တခါတလေ တနေ့တွက်တာ တခါနဲ့ ပြီးသွားတယ်။ တခါတလေ ဘယ်တော့ ပြန်ဖြစ်မယ် မပြောနိုင်ဘူး။
အဲဒီ Ejaculation အဆင့် မဖြစ်ဘဲနဲ့ လိင်ကိစ္စကို ဒီတကြိမ်အတွက် အဆုံးမသတ်ဘူး။ အဆုံးမသတ်ချင်ဘူး။ ယောက်ျားမှာ အဲလို ဆက်ဆံမှုပြုတိုင်း ကျေနပ်မှု ရသွားတာမျိုးဟာ မိန်းမတွေက ဆက်ဆံမှု အကြိမ်တိုင်းမှာ အဲလိုဖြစ်ချင်မှ ဖြစ်တယ်။ ယောက်ျားမှာ Orgasm မဖြစ်ဘူးဆိုတာ မရှိသလောက်ပါ။ အကြောင်းတခုခုကြောင့်သာ အဲဒီအဆင့်အထိ မရောက်ဘဲ ရပ်နားလိုက်ရတာတော့ ရှိနိုင်တာပေါ့။

အဲလို Ejaculation သုက်လွှတ်ချိန်မှာ ယောက်ျားမှာ ထူးခြားမှုတွေ အများကြီးရှိသေးတယ်။ စိတ်ကျနပ်မှု ရစေမယ်။ သာသာမှု အထွတ်အထိပ်ကို ခံစားရမှုရမယ်။ ကျားအင်္ဂါထိပ်ဝ (ဆီးထွက်ပေါက်) က Sperm သုက် ခေါ်တဲ့ အရည် ထွက်မယ်။ သုက်ထွက်တာက ပန်းထွက်တာမျိုး။ Rhythmic contractions စည်းချက်ကျကျ ပန်းထုတ်တာမျိုးဖြစ်တယ်။ Spinal reflex ခါးရိုးထဲက အာရုံကြော တုံ့ပြန်မှုကနေ အဲလို ဖြစ်စေတယ်။ တိတိကျကျပြောရရင် နံပါတ် S2-4 တင်ပါးဆုံ အကြော နံပါတ် ၂ နဲ့ ၄၊ Pudendal nerve (ပြူဒင်တယ်) အာရုံကြောကနေ ဖြစ်စေတယ်။ စုစုပေါင်း စက္ကန့်တွေ အများကြီး အချိန်ကြာတယ်။ ပန်းထုတ်တဲ့ အကြိမ်ရေ မတူတတ်ဘူး။ ၁ဝ-၁၅ ကြိမ် ဖြစ်တာ များတယ်။ ပဌမဦးဆုံးတကြိမ် ညှစ်ထုတ်မှု First contraction ဖြစ်တာနဲ့ နောက်ဆက်မဖြစ်အောင် ထိန်းလို့ လုံးဝ မရတော့ပါ။ ပန်းထုတ်တဲ့အား သန်ရာကနေ တဖြေးဖြေး ပျော့လာလိမ့်မယ်။ အစမှာ Contraction ဟာ ဝ့၆ စက္ကန့်ကနေ နောက်ပိုင်း ဝ့၁ စက္ကန့်သာ ကြာတယ်။ ဆီးထွက်ပေါက်ကနေ ဘယ်လောက်အထိ ပြေးအောင်သွားနိုင်သလဲဆိုတာ စိတ်ဝင်စားသူတွေရှိလို့ လေ့လာမှုတွေပြုပေမဲ့ ကျန်းမာရေးအတွက် အသုံးမကျပါ။ မ-အင်္ဂါထဲမှာ ကိုယ်ဝန်ရစေဘို့ရော၊ သာယာမှုအတွက်ပါ အဝေးကြီးရောက်စေဘို့ မလိုဘူး။

Ejaculation သုက်လွှတ်တာဟာ Stimulation ဆိုတဲ့ နှိုးဆွမှုတွေ ပြည့်စုံ-ကျေနပ်ရင်ရတယ်။ အဖေါ်မိန်းကလေး မပါဘဲ သူတယောက်ထဲလဲ (မာစတာဘေးရှင်း) လုပ်ပြီး ဖြစ်နိုင်တယ်။ မိန်းကလေးတွေလဲ တယောက်ထဲနဲ့ အဲလို လုပ်လို့ရတယ်။ Sympathetic nervous system (ဆင်ပသပ်တစ်) အာရုံကြော စနစ်ကနေ လုပ်ပေးတာ ဖြစ်တယ်။ ဖြစ်စဉ် အစပိုင်းမှာ သူ့ရဲ့ Urethra (ယူရစ်သရာ) ဆီးပြွန်မှာ Pulses ခုန်လာတာမျိုး သိလာမယ်။ ခုန်တယ်ဆိုတာ ဆရာဝန်တွေက လူနာရဲ့ လက်ကောက်ဝတ်မှာ စမ်းကြတာမျိုး ဖြစ်တယ်။

Ejaculation ဖြစ်နေတုံး သုက်ထွက်လာမှာက ပဌမ ၁-၂ ကြိမ် ညှစ်တာမှာ ဖြစ်တယ်။ ဒုတိယ ညှစ်တဲ့အချိန်ထွက်တာ အများဆုံး၊ သုက်စုစုပေါင်းရဲ့ ၄ဝ% ထွက်တယ်။ ထွက်တာရပ်ပြီးလဲ ညှစ်အားဆက်ရှိနေသေးတယ်။ ပန်းထုတ်တာက ၅-၁ဝ ကြိမ် ဖြစ်တယ်။ နောက်သုတေသန တခုက ၅-၂၃ ကြိမ်အထိရှိတာ သိရတယ်။ အကြိမ်များတိုင်း အရည်များတာတော့ မဟုတ်ဘူး။ ခံစားမှုတော့ ပိုစေမယ်။

Orgasm ဖြစ်တာမှာ တကိုယ်လုံးမယ် ထူးခြားမှုတွေရှိလို့ ဒီဖြစ်စဉ်တွေကို ယောက်ျားဟာ မသိမရှိ သိပါတယ်။ အဖေါ် မိန်ကလေး ကိုယ်တိုင်ပါ ယောက်ျား အဲလိုဖြစ်နေတာကို ခံစားပြီး သိစေနိုင်တယ်။ တချို့က အဲလိုပြီးစီးတာကို သိပ်သဘောကျတယ်။ ကိုယ်ဝန်တားနည်း တခုဖြစ်တဲ့ Withdrawal method သုက်ရည် အပြင်ထုတ်ပြစ်ခြင်း လုပ်တာက တချို့ မိန်းကလေးတွေအတွက် သာယာမှု နည်းစေတတ်တယ်။ ဘယ်အရာမဆို ချင့်ချိန်ရတာမို့ ကိုယ်ဝန်တားချင်တာအတွက် သာယာမှုကို လျှော့သင့်ရင် လျှော့ရမှာပေါ့။

မိန်းကလေး Orgasm ဖြစ်တာကို သိစေနိုင်တာတော့ နည်းတတ်တယ်။ တချို့မှာတော့ သိပ်ကိုသိသာတယ်။ လိင်ဆက်ဆံချိန်မှာ အသံထွက်တာ၊ မျက်နှာ အမူအယာ စတာတွေက တယောက်နဲ့ တယောက် တော်တော် မတူတတ်ဘူး။ ပြီးချိန်မှာလဲ အဲလိုဘဲ။ ပြီးသွားစေတယ် ဆိုတာက ဂုဏ်ယူစရာ၊ အားတက်စရာမျိုးဖြစ်တယ်။ ဒါ့ကြောင့် အမျိုးသမီး တချို့က Fake orgasm အယောင်ဆောင် ပြီးတယ်လို့ လုပ်တတ်ကြသေးတယ်။

"အမျိုးသားနဲ့ အမျိုးသမီး ဆက်ဆံတုန်းမှာ အမျိုးသားတွေက သုတ်မလွတ်ရင် ကိုယ်ဝန် မရနိုင်ဘူးလားဆရာ။"

တည့်တည့် ဖြေရရင် ယောက်ျားက မိန်းမရဲ့ (ဗဂျိုင်းနား) ထဲမှာ သုက်မလွှတ်ရင် ကိုယ်ဝန်မရစေပါ။ Orgasm ဖြစ်မှ သုက်ထွက်တယ်။ သုက်ထဲမှာသာ သုက်ပိုးပါတယ်။ ကျန်းမာ သန်စွမ်းတဲ့ သုက်ပိုးတွေက မ-မျိုးဥနဲ့တွေ့ဆုံ-ပေါင်းစပ်မှသာ သန္ဓေဖြစ်စေတယ်။ ယောက်ျားမှာ ကနဦး စိုစွမ်မှုဖြစ်တဲ့ Semen အရည်ထဲမှာ သုက်ပိုး မပါပါ။ သုက်ရည် ဆိုတာထဲမှာက Sperm (စပမ်း) သုက်ပိုး နဲ့ Seminal fluid (ဆီမီနယ်) အရည် ရောနေတယ်။ သုက်ရည် ၁ စီစီထဲမှာ သုက်ပိုး ကောင်ရေ သန်း ၂ဝ ပါတယ်။

Ejaculation သုက်လွှတ်တယ်လို့ဘဲ ခေါ်တဲ့ ဖြစ်စဉ်မှာ တချို့ယောက်ျားတွေက သုက်ပိုးမပါဘူး။ Anejaculation သုက်မထွက်နိုင်ခြင်းထဲမှာလဲ ၂ မျိုးရှိတယ်။ (၁) Total anejaculation လုံးဝ သုက်မလွှတ်နိုင်ခြင်း၊ ဘယ်အခါမျိုးမှာမ သုက်က ထွက်မလာသူမျိုး။ ဒါပေမဲ့ အိပ်မပျော်တဲ့ အချိန်မျိုးမှာ ဘယ်လိုလုပ်လုပ် သုက်မထုတ်နိုင်ပေမဲ့ အိပ်ပျော်နေတုံး ဖြစ်နိုင်တယ်။ ဒီလိုဖြစ်တာ စိတ်ကြောင့်ပါ။ (၂) Orgasmic anejaculation စိတ်ဆန္ဒပြည့်ဝမှု ရနိုင်ပေမဲ့ သုက်က မပါဘူး။ ထွက်မှန်းမသိ၊ ဒါမှမဟုတ် အနည်းအပါး လောက်သာ ထွက်မယ်။ သုက်ထွက်ပြွန်မှာ ပိတ်နေတာ၊ အာရုံကြော မကောင်းတာ နဲ့ Retrograde ejaculation သုက်ပြောင်းပြန် ထွက်တာတွေကြောင့် ဖြစ်နိုင်တယ်။ ကလေးမရစေတဲ့ အကြောင်းတွေထဲက တခုဖြစ်တယ်။

- Anejaculation သုက်မထွက်ခြင်း http://dts-medicaleducation-adult.blogspot.in/2012/04/anejaculation.html
- Sperm and Semen သုက် နဲ့ သုက်ရည် http://dts-medicaleducation-adult.blogspot.in/2012/04/sperm-and-semen.html Sperm Color သုက်၏အရောင် နှင့် Hematospermia သုက်ထဲသွေးပါခြင်း http://dts-medicaleducation-adult.blogspot.in/2012/04/sperm-color-hematospermia.html
Sperm count သုက်ပိုးများစေနည်း http://dts-medicaleducation-adult.blogspot.in/2012/03/sperm-count.html
Sperm Viability and Motility သုက်ပိုးအားနည်းခြင်း http://dts-medicaleducation-adult.blogspot.in/2012/03/sperm-viability-and-motility.html
- Methods of semen colleaction သုက်ရည် ထုတ်ယူနည်း
- Semen Analysis သုက်ရည်ရဲ့ အရည်အသွေး
- Male orgasm ယောက်ျား ပြီးခြင်း http://dts-medicaleducation-adult.blogspot.in/2012/03/male-orgasm.html တွေကိုလဲ ဖတ်နိုင်ပါတယ်။

Dr. တင့်ဆွေ
၃-၁၁-၂ဝ၁၁