ကာမအားဆေးများ အမြဲသုံးရင်ဘာဖြစ်နိုင်သလဲ
ဆေးနာမည် စာလုံးပေါင်းပြောပါ။
Fri, Jan 18, 2013 at 7:20 PM
အသက် ၃၉ ကျား ဆေးက Duron-20 Tadalafil Tablets 20mg
Tadalafil (တာဒါလာဖေးလ်) ဆေးကို Adcirca နဲ့ Cialis Tablets စားဆေးအနေနဲ့ ထုတ်လုပ်ရောင်းချတယ်။
ဆေးဝါးဗေဒအရ ပြောရရင် Inhibition of phosphodiesterase type 5 (PDE5) အမျိုးအားဖြစ်တယ်။ အရင်ဆုံး သုံးခဲ့တာက Pulmonary arterial hypertension အဆုပ်ရောဂါတမျိုးအတွက် ဖြစ်တယ်။ အခုခေတ်စားလာတာကတော့ Erectile dysfunction ပန်းသေ-ပန်းညှိုးအတွက်ဖြစ်တယ်။ Benign prostatic hyperplasia (BPH) ခေါ်တဲ့ ယောက်ျား အသက်ကြီးသူတွေမှာ အဖြစ်များတဲ့ ဆီးကျိတ်ကြီးခြင်း အတွက်လဲ သုံးပါတယ်။
တခြားရောဂါတွေအတွက် တနေ့မှာ 5 mg ပေးတယ်။ ပန်းသေနေတာအတွက် 5, 20, 40 mg ပေးရတယ်။ တနေ့မှာ တခါသာသောက်ပါ။ လိင်ဆက်ဆံဘို့အချိန်ထက် ၃ဝ မိနစ်ကြိုတင်သောက်ပါ။ များသောအားဖြင့် ၃၆ နာရီအထိ ဆေးမသောက်တာထက် ပိုပြီး သန်မာနေတာတွေ့ရတယ်။
ဘေးထွက်-ဆိုးကျိုးတွေနဲ့ သတိထားစရာတွေ -
• မျက်နှာနီမြန်း (၁၃%)၊ သွေးတိုး (၃%)၊ နှလုံးခုန်မြန် (၂%)၊ နှလုံးကိုသက်ရောက်မှုများ၊ အးယုတ်၊ ခေါင်းမူး၊ အိပ်ရေးပျက်၊
• Priapism ခေါ်တဲ့ ၄ နာရီအထိ ကျားလိင်အင်္ဂါသန်မာနေတာကျမသွားတာမျိုးလဲတချို့မှာ ဖြစ်တတ်တယ်။
• ဆရာဝန်မညွှန်ဘဲ ဆေးကို တိုးမသောက်သင့်ပါ။
• တကယ်လို့ ခေါင်းမူးတာ၊ ရင်ပတ်နာလာတာ၊ သတိလစ်ချင်သလို ဖြစ်လာတာ။ မျက်စိအမြင်ဝေဝါးလာတာ၊ နာဲးမှာ ဝီဝီမြည်သံကြားလာတာ၊ နားကြားမကောင်းတာတွေ ဖြစ်လာရင် ဆေးကိုချက်ချင်းရပ်ပါ။ အရက်နဲ့တွဲမသောက်ရပါ။ သွေးတိုးကျဆေးသောက်နေရရင် ဆရာဝန်ပြောပါ။
• ဒီဆေးဟာ လိင်ကတဆင့်ကူးစက်ရောဂါတွေကို အကာကွယ်မပေးပါ။ ကိုယ်ဝန်မရအောင်လဲ တားမပေးပါ။
ဒေါက်တာတင့်ဆွေ
၁၉-၁-၂ဝ၁၃
Sat, Jan 19, 2013 at 8:38 PM
ကျွန်တော်က ဘယ်ဘက်ရင်ဘတ်ထဲက နာတယ်အိပ်လို့ ဟိုဘက်ဒီဘက်စောင်းရင်ပိုနာတယ်။ ဆေးစစ်တော့လဲ နှလုံးကမဟုတ်ဘူး။ ကြွက်သားတွေနာတာလို့ ယူဆတယ်။ ဖြစ်တာက တစ်နှစ်ကျော်ပြီ။ ဆရာဝန်ဆေးပေးလိုက်ရင်ပျောက်တယ်။ ပြီးရင်ပြန်နာတယ် ။ဒါပေမဲ့ ဆရာဝန်ကရတယ်ဆိုပြီး ဟိုဟာအတွက် သုံးရက်မှတခါ ဒီဆေး 20mg ကိုတခြမ်းသောက်ခိုင်တယ်။ အဲဒါသောက်လို့ရမလား သိချင်ပါတယ်။
ဆရာဝန်ပြထားရင် စိုးရိမ်စရာမရှိပါ။
No comments:
Post a Comment