ကိုယ်လက်လှုပ်ရှားမှုနှင့် ကျောင်းပညာရေး အောင်မြင်မှု အဆက်အစပ်ကိုတွေ့ရှိ

ကိုယ်ကာယလှုပ်ရှားမှုများက စာသင်ယူမှုကို အထောက်အပံ့ဖြစ်စေသည်

ကိုယ်ခန္ဓာ ကျန်းမာကြံ့ခိုင်ပြီး တက်ကြွလန်းဆန်းနေသော ကလေးငယ်များမှာ ကျောင်းစာနှင့် ဘာသာရပ်များကို လေ့လာမှုတွင်လည်း တိုးတက်အောင်မြင်ကြကြောင်း
အိန္ဒိယ သိပ္ပံပညာရှင်များ၏ လေ့လာမှုတစ်ရပ်က တွေ့ရှိထားသည်။ Vrije ဆေးတက္ကသိုလ်နှင့် EMGO အမ်စကာဒမ်ရှိ Institute for Health and Care Research သုတေသနဌာနမှ Amika Singh Ph.D နှင့် အဖွဲ့က ကာယလှုပ်ရှားမှုနှင့် ကျောင်းပညာရေး အောင်မြင်မှု၏ ဆက်နွယ်နေပုံ သက်သေအထောက်အထားများကို အထူးပြုလေ့လာခဲ့ကြ၏။
ရမှတ်ကောင်းစေရန်အတွက် ဖိအားပေးခံရသဖြင့် ကျောင်းချိန်၊ စာကြည့်ချိန်များ အလွန်အကျွံထားရှိပြီး ကာယလှုပ်ရှားမှုအချိန် လျော့နည်းနေမှုအပေါ် စိုးရိမ်မကင်းဖြစ်ခြင်းကြောင့် လေ့လာမှု ပြုခဲ့ကြခြင်းပင်။ လေ့လာမှု ၁၀ ကြိမ်နှင့် ပြုပြင်ပြောင်းလဲမှု ၄ ကြိမ်ကို သုတေသီများက အဓိကထားခဲ့ကြသည်။
အမေရိကန်တွင် ၁၀ ကြိမ်၊ ကနေဒါနှင့် တောင်အာဖရိကတွင် တစ်ကြိမ်စီ လေ့လာခဲ့ကြ၏။ အသက် ၆ နှစ်မှ ၁၈ နှစ်အကြား လူငယ်များကို နမူနာ အရေအတွက် ၅၃ ဦးမှ ၁၂၀၀၀ (တစ်သောင်းနှစ်ထောင်) အထိ လေ့လာခဲ့ကြခြင်းဖြစ်သည်။ နောက်ဆက်တွဲ လေ့လာမှုမှာလည်း ရက်သတ္တ ၈ ပတ်မှ ငါးနှစ်အထိ ကြာမြင့်ချိန် အမျိုးမျိုး ရှိခဲ့သည်။
"ခွဲခြမ်းစိတ်ဖြာလေ့လာမှု သက်သေအထောက်အထားများအရ ကာယလှုပ်ရှားမှုနဲ့ စာပေလေ့လာမှုရဲ့ အပေါင်းလက္ခဏာဆောင်တဲ့ အထင်ကရ ဆက်နွယ်နေမှုကို ကျနော်တို့ တွေ့ရှိခဲ့ကြပါတယ်။" သုတေသီများက ရှင်းပြခဲ့သည်။
"အရည်အသွေးမြင့်တဲ့ ဒီ သုတေသနလေ့လာမှု၊ ပြုပြင်ပြောင်းလဲ လုပ်ဆောင်စေမှု ၂ ကြိမ်မှာတော့ ကိုယ်ကာယလှုပ်ရှား တက်ကြွနေခြင်းဟာ ကလေးများရဲ့ စာပေ သင်ယူလေ့လာမှုအပေါ် များစွာ အထောက်အကူ ဖြစ်စေတယ်ဆိုတာပါ"
ကာယလှုပ်ရှားမှုများက သွေးနှင့် အောက်ဆီဂျင်ကို ဦးနှောက်အတွင်းသို့ ပိုမိုလည်ပတ် ရောက်ရှိခြင်း၊ norepinephrine, endorphins ဟော်မုန်းများ မြင့်တက်စေသည့်အတွက် စိတ်ဖိစီးမှုကို သက်သာစေခြင်းနှင့် စိတ်နှလုံး ရွှင်လန်းစေခြင်းတို့ကြောင့် သိမှုစွမ်းရည်အတွက် များစွာ အထောက်အကူဖြစ်စေကြောင်း သုတေသနက ဆိုပါသည်။ ကိုယ်ခန္ဓာ ကြီးထွားမှုကို အားဖြည့်ပေးခြင်း တို့ကြောင့် အာရုံကြောနာ့ဗ်ဆဲလ် အသစ်များကို ထွက်ပေါ်စေပြီး ဦးနှောက်ဆက်သွယ်မှု synaptic plasticity အထောက်အပံများ ရရှိစေခြင်းလည်းဖြစ်သည်။
"ဆက်နွယ်မှုကို ပိုမို တိတိကျကျ သိရှိနိုင်စေရန်နှင့် ကာယလှုပ်ရှားမှု ပမာဏ အတိုင်းအတာများ ရရှိစေရန်အတွက်လည်း သုတေသနများ ထပ်မံ လုပ်ဖို့လိုပါသေးတယ်" သုတေသီများက နိဂုံးချုပ် တင်ပြခဲ့သည်။
မောက္ခဆေးသိပ္ပံသတင်း
Source: Archives of Paediatrics and Adolescent Medicine/ JAMA journals Jan. 2012