ပြည်တွင်းပြည်ပ CBO အဖွဲ့များ ကွန်ယက် ဆက်သွယ်ရေး workshop တစ်ခု၌တွေ့ရစဉ် (ဓါတ်ပုံ-ကေတီ)
ထိထိရောက်ရောက်လုပ်ဆောင်နိုင်ဖို့ ရည်ရွယ်ပြီး ပြည်တွင်းက လူမှုကိုယ်စားပြုအဖွဲ့တွေနဲ့ ပြင်ပကလူမှုကိုယ်စားပြုအသင်းအဖွဲ့တို့ ပူးပေါင်းပြီး Network Group ဖွဲ့စည်းလိုက်တာပါ။
`အမှန်က ကိုယ့်ဟာကိုယ်က နှစ်ပိုင်းလိုမျိုးဖြစ်နေတယ်။ ပြည်တွင်းကတဖွဲ့နဲ့ နယ်စပ်က တဖွဲ့ဖြစ်နေတော့ ပြီးခဲ့တဲ့ဇွန်လ ၅၊ ၆ ရက်နေ့တုန်းက သွားတွေ့လိုက်တာနဲ့ အဲမှာ တဖွဲ့တည်းပြန်ဖြစ်နေပြီ။ အခု ကျနော်တို့ ဘယ်လို ပူးပေါင်းဆောင်ရွက်သွားမလဲ။ ရှေ့ဆက်လုပ်ငန်းတွေဆိုရင် အကြမ်းအားဖြင့် ၃ချက်လောက်တော့ ရှေ့ဆက်လုပ်ငန်းစဉ် ထွက်လာပြီ`လို့ ကရင်နီ လူမှုအသင်းအဖွဲ့ ဆက်စပ်ဆောင်ရွက်ရေးအဖွဲ့ KCSN က ပြောရေးဆိုခွင့်ရှိသူ ခူးမီရယ်က ပြောပါတယ်။
ကိုယ့်ကိုယ်ကို စွမ်းရည်မြင့်တင်ရေးနဲ့ လူထုနဲ့ ပူးပေါင်းဆောင်ရွက်ပြီး စွမ်းရည်မြင့်တင်ရေး၊ အဖွဲ့အစည်း အခိုင်အမာရပ်တည်ရေးနဲ့ အပစ်အခတ်ရပ်စဲရေး ငြိမ်းချမ်းရေးခရီးစဉ်အတွင်း နှစ်ဦးနှစ်ဖက်က လူ့အခွင့်အရေးချိုးဖောက်မှုကို လေ့လာစောင့်ကြည့်ရေးအတွက် Network Group ကို ပြည်တွင်းက CBO’s ၅ ဦးနဲ့ ပြည်ပက CBO’s ၅ဦးတို့ကစုစည်းပြီး အတူတူ လက်တွဲ ပူးပေါင်း ဆောင်ရွက်ဖို့ သဘောတူခဲ့ကြတယ်လို့ ဆိုပါတယ်။
No comments:
Post a Comment