အထီးကျန်ခြင်းနှင့် ကျန်းမာရေး

အထီးကျန် ဝေဒနာ ရတာကြောင့် ကိုယ့်ကိုယ်ကိုယ် သတ်သေကြတဲ့ ဖြစ်ရပ်တွေကို အများကြီး တွေ့နေရပါတယ်။  အထီးကျန်တာက အဝလွန်တာနဲ့ ဆေးလိပ်သောက်တာထက်တောင် ကျန်းမာရေးကို ပိုထိခိုက်စေတယ်လို့ လေ့လာမှုများစွာက ဆိုထားပါတယ်။ အထီးကျန်တာက ပုံမှန် လူအများစု ခံစားရတတ်တဲ့ စိတ်ပိုင်းဆိုင်ရာ ဝေဒနာတစ်မျိုး ဖြစ်ပါတယ်။ အထီးကျန်တဲ့ အခါမှာ လူတစ်ယောက်ရဲ့ စိတ်နဲ့ ရုပ်ကို အောက်ပါအတိုင်း ထိခိုက်မှု ဖြစ်စေနိုင်ပါတယ်။


နှလုံးသွေးကြောဆိုင်ရာ ပြဿနာများ

ချီကာဂို တက္ကသိုလ်ရဲ့ စိတ်ကျန်းမာရေး အထူးကု ဒေါက်တာ ဟော်ကလေးက အထီးကျန်တာကြောင့် သွေးဖိအားအပေါ် အကြီးအကျယ် သက်ရောက်မှု ရှိတယ်လို့ ဆိုပါတယ်။ နာတာရှည် အထီးကျန် ဖြစ်နေတဲ့ သူတွေဟာ သွေးတိုးရောဂါ ခံစားနေရကြောင်း တွေ့ရှိရတယ်လို့ သူက ရှင်းပြပါတယ်။၊ ဒီလေ့လာမှုက အသက် ၅၀ နဲ့ ၆၈ နှစ်ကြား လူ ၂၂၉ ဦးကို အခြေခံပြီး ပြုလုပ်ထားတဲ့ လေ့လာမှုမျိုး ဖြစ်ပါတယ်။ အချိန် ငါးနှစ်ကြာ လေ့လာမှုအရ အထီးကျန်တဲ့သူတွေက လူမှုရေး ဝင်ဆန့်သူတွေထက် သွေးဖိအား ၁၀ ရာခိုင်နှုန်း မြင့်တက်တာကို တွေ့ရပါတယ်။ သွေးတိုးတာကြောင့် နှလုံးရောဂါထတာ၊ လေဖြတ်တာနဲ့ ကျောက်ကပ် လုပ်ငန်းဆောင်တာ ထိခိုက်တာတွေရဲ့ ဖြစ်နိုင်ခြေကို မြင့်တက်စေနိုင်ပါတယ်။

စိတ်ကျန်းမာရေး

အထီးကျန်တာက လူတစ်ယောက်ရဲ့ စိတ်ပိုင်းဆိုင်ရာ အခြေအနေကို ပြောင်းလဲမှု ဖြစ်စေပါတယ်။ အထီးကျန်တာကြောင့် စိတ်ပူပင်သောက များတာနဲ့ စိတ်ဖိစီးမှု များတာတွေ ဖြစ်တတ်ပြီး စိတ်ဓာတ်ကျနိုင်ခြေ မြင့်မားပါတယ်။ တာရှည် အထီးကျန်တဲ့သူတွေဟာ အယ်လ်ဇိုင်းမား ရောဂါ ဖြစ်နိုင်ခြေ မြင့်တက်နိုင်သလို ကိုယ့်ကိုယ်ကိုယ် သတ်သေလိုတဲ့ အတွေးတွေလည်း ဝင်လာတတ်ပါတယ်။ ဆုံးဖြတ်ချက်ချနိုင်စွမ်း နည်းတာ၊ မှတ်ဉာဏ်ဆုံးရှုံးတာ၊ စိတ်ဂနာမငြိမ်ဖြစ်တာ၊ စိတ်လှုပ်ရှားလွယ်တာနဲ့ အပြုအမူပိုင်းဆိုင်ရာ အပြောင်းအလဲတွေ ဖြစ်တာတွေကလည်း အထီးကျန်တာကြောင့် ဖြစ်ရတဲ့ လက္ခဏာတွေပဲ ဖြစ်ပါတယ်။ အထီးကျန်တာကြောင့် စိတ်ပိုင်းဆိုင်ရာ ပြောင်းလဲမှုတွေဟာ အစာစားချင်စိတ်ကို ထိခိုက်စေပြီး သူရဲ့ ရုပ်ပိုင်းဆိုင်ရာ ကျန်းမာရေးကိုပါ ထိခိုက်စေနိုင်ပါတယ်။

မျိုးဗီဇ ထိခိုက်မှု

ကယ်လီဖိုးနီးယား တက္ကသိုလ်ရဲ့ လေ့လာမှုအရ အထီးကျန်တဲ့ စိတ်ခံစားမှုဟာ မျိုးဗီဇရဲ့ လုပ်ငန်းဆောင်တာတွေကို ပြောင်းလဲမှု ဖြစ်စေပြီး ကိုယ်ခံစွမ်းအား စနစ်ရဲ့ ပထမဆုံး တုံ့ပြန်မှုဖြစ်တဲ့ ရောင်ရမ်းမှုကို ဖြစ်စေနိုင်ပါတယ်။ ကိုယ်ခံစွမ်းအား စနစ်နဲ့ ဆက်စပ်နေတဲ့ မျိုးဗီဇတွေရဲ့ လုပ်ငန်းဆောင်တာကို ဖိနှိပ်ထားတာကြောင့် ရောဂါပိုးတွေကို ကာကွယ်နိုင်စွမ်း လျော့ကျပြီး ရောဂါဘယတွေ ဝင်လွယ်စေပါတယ်။

အိပ်မပျော်ခြင်း

တင်းအားများတာ၊ စိတ်ဖိစီးမှုများတာ၊ အထီးကျန်တာနဲ့ စိတ်ဓာတ်ကျတာတွေ အားလုံးဟာ အိပ်စက်မှုကို တိုက်ရိုက် ထိခိုက်မှု ဖြစ်စေပါတယ်။ နာတာရှည် အထီးကျန် ဝေဒနာ ခံစားနေရတဲ့ သူတွေဟာ အိပ်ရေးပျက်တတ်ပါတယ်။ လူတစ်ဦးဟာ သင့်တော်တဲ့ အိပ်ချိန်ရှိမှသာ ခန္ဓာကိုယ်ရဲ့ လုပ်ငန်းဆောင်တာတွေကို ပုံမှန် လုပ်ဆောင်နိုင်မှာပါ။ သင့်တော်တဲ့ အိပ်ချိန်မရှိရင် စိတ်ပိုင်းရော ရုပ်ပိုင်းကိုပါ ထိခိုက်စေနိုင်ပါတယ်။ အိပ်ရေးမဝတဲ့သူတွေဟာ နွမ်းနယ်နေတတ်ပြီး ညောင်းညာကိုက်ခဲတာနဲ့ ဖိစီးမှုတွေကို အလွယ်တကူ ခံစားရနိုင်ပါတယ်။

အိုမင်းလွယ်ခြင်း

အထီးကျန်တာကြောင့် စိတ်ဖိစီးမှုများတာ၊ စိတ်ဓာတ်ကျတာ၊ အိပ်ရေးပျက်တာနဲ့ အစာစားချင်စိတ် မရှိတာ စတဲ့ ကျန်းမာရေး ပြဿနာ အများစုကို ခံစားရနိုင်ပါတယ်။ ဒီအချက်တွေ အားလုံးဟာ အရွယ်မတိုင်ခင် အိုမင်းလွယ်စေတဲ့ အချက်တွေပါ။ အိပ်ရေးမဝတာက စောစော အိုမင်းစေတဲ့ အဓိက အချက်တစ်ချက်ပါ။ အထီးကျန်တာဟာ လူတိုင်း ခံစားရတတ်တဲ့ စိတ်ခံစားမှု ဖြစ်ပြီး ကျန်းမာရေး ထိခိုက်မှု မဖြစ်ခင် ကျော်လွှားနိုင်ဖို့ အရေးကြီးပါတယ်။

Tips!

အထီးကျန်မှု ခံစားရတိုင်း ပျော်ရွှင်မှုကို ရှာဖွေပါ။ အထီးကျန်တဲ့ အတွေးတွေကို တတ်နိုင်သမျှ စိတ်ထဲမှ ဖယ်ရှားလိုက်ပါ။ သူငယ်ချင်း မိတ်ဆွေအသစ် ဖွဲ့ပါ။ လူတွေနဲ့ ပေါင်းသင်းဆက်ဆံပါ။ လိုအပ်နေတဲ့သူတွေကို အကူအညီပေးပါ။ ကိုယ့်ကိုယ်ကိုယ် ယုံကြည်မှု ထားရှိပါ။ ဒါဆိုရင် သင်ခံစားနေရတဲ့ အထီးကျန် ဝေဒနာတွေ ပပျောက်သွားမှာ ဖြစ်ပါတယ်။

ဇွန်Ref: Good HealthSource:  http://www.yatanarpon.com.mm/news/news-50217